喺朗豪坊見到人做兵做到好慘

29957

話說Starbucks外面有室外嘅長枱長櫈
我同幾個朋友坐低吹水食蛋糕 (其中一個人生日),即使好大風好凍但係幾個人笑笑下都好放鬆。

我地隔離有一pair情侶,個女仔又咁啱生日
個金毛男仔(毒撚樣)買左個上面有水晶球細細地嘅個種蛋糕,個陣唔知幾錢但係都估到係貴款(後尾返去先知係出口隔離個間蛋糕舖賣$580)

本身我地幾個見到都講寧願自己男朋友平平地買個食得嘅蛋糕都唔捨得佢地買啲得個樣又細又貴既蛋糕,而且見到隔離個女仔冇咩反應,連交流都冇幾句,所以印象特別深刻。

咁之後就冇理到,食完蛋糕就繼續吹水傾計。隔離吹完蠟燭之後個女仔聽到個電話就走咗,得返個男仔喺度,個男仔靜靜地坐喺度冇乜點郁,我地以為佢女朋友只係去咗廁所。

之後打落我諗都有四、五個字,個男仔先慢慢咁將個蛋糕原封不動咁擺返落個透明嘅蛋糕盒,佢出面有條絲帶,佢淨係打絲帶個結都搞咗好耐。

佢好似真係好珍惜咁慢慢將佢擺返落個蛋糕盒,個蛋糕仲要係一啖都冇食過,只係比個女仔影完相之後聽到電話就走咗,成個過程睇到我哋有啲心酸......

雖然唔知係咪真係做兵定係真係男女朋友,但係如果係前者就只係好想同佢講句,希望早日脫離苦海!

Source: https://lihkg.com/thread/933720