【網民熱話】連登仔埋怨: 有個港女老婆仲慘過單身

13573

日前一名連登仔在網上抱怨,指每日勞碌地上班下班,回家已經晚上9時,其後打算跟太太及兒子開開心心吃晚飯時,「個港女老婆又發作」,不但在餐廳拿出功課,大聲督促兒子做功課,又當面催他上繳家用,令他不禁慨嘆「個個月畀8成人工做家用,你估我又識生金蛋咩」。該名連登仔仲話拍咗3年,8年前結婚, 結婚前老婆都唔會咁。 最後更奉勸大家「窮人真係唔好求其娶個港女,仲要生埋仔」。

原文:

有人話黃種男同埋黑人女人係食物鏈的最低層。
我好認同, 特別係香港男人

今晚收工已經8點鐘, 由長沙灣放工返坑口的屋企都已經9點。
每日來回都無咗2個鐘, 只能安慰自己, 城市人一般都係咁... !
諗住同老婆同個仔去薩莉亞, 開開心心食一餐
點知...個港女老婆又發作

坐埋到位, 呀仔好開心坐上個卡位
呀仔開心唔夠1分鐘,
老婆對住個仔講:「你可唔可以坐好d 呀?」
呀仔立刻由笑笑口變黑人問號
之後佢係袋拎出一本作業, 然後佢用高8度的聲同呀仔講:「你又寫錯個字啦 , 3次啦!」
「傻字係企人邊, 爸爸係傻仔, 又係個人, 所以傻字係企人邊。 傻仔無腦所以中間有個大交差, 佢仲好似你老豆咁有鬚, 所以中間有一撇」

而我....沒有說話。
嘢食終於來啦, 我叫咗個60蚊左右的牛排。心諗都ok 啦 , 諗住打開話題, 就講咗句: 「都幾好味, 唔知d 牛係邊度來呢?」
港女老婆:「牛牛牛, 你只係識食牛 唔識食其他野咩?」
呢一刻 , 我依然選擇了沉默。。。

見到呀仔好開心咁拎住把圓形轉刀, 切pizza!
我同老婆講 :「小心呀仔切到呀。」
而佢, 只係同呀仔講:「小心呀仔,小心到呀」
我最後忍唔住自己搶返來搞....

咁好啦, 繼續食飯.
老婆又講左句:「你欠我果1000蚊幾時還?」
我:「過返比你啦.」
老婆: 「幾時呀?」
我:「前日已經過咗.」
老婆: 「我都唔明, 點解可以有人廿幾號先比得到月頭的家用。」

其實, 今個月有個老友生cancer , 我比咗2萬蚊佢, 我都無同老婆講。
個個月比8成人工做家用, 你估我又識生金蛋咩 ?!
算啦, 我都忍了。
唯有, 今晚係連登打返篇文。 大家, 窮人真係唔好求其娶個港女, 仲要生埋仔.....
貧賤夫婦百事哀 !!!


有網民就咁睇:

佢係咪可能成日湊住個仔湊到炆丫?
你返工你係辛苦,但你老婆都要經常對住你個仔要睇實佢仲要做家務佢都可能好攰。試下氹下佢等佢搵返以前戀愛既感覺,咁咪大家都好過啲!


睇到好心up, 香港地照顧好一個家庭真係好難,樓主加油
老婆係煩咗啲,但事實上個教育制度都令人好大壓力,同意搵返多少少戀愛嘅感覺,最後會發現一家人一齊先係最重要


我睇到我嘅未來


可能你返工個陣你老婆都比個仔激到痴線
同埋你識叫佢小心個仔你自己都可以睇住佢
我上次表姐佢一家人黎食飯又係咁
佢老公同佢講個仔粒飯跌左落地
表姐:咁你唔識執?
我又覺得幾有道理,同你個情況幾似


其實呢d關係都算得上係精神上虐待,返到屋企講每句野,做每一樣野都要好小心,先避免到港女發脾氣. 每日相處都咁大壓力,長遠只會影響到自己既自尊同自我價值觀,其實唔健康既關係

Source:
https://lihkg.com/thread/920064/