【網民熱話】OT遲收工 女友呃我同朋友行街 原來一個人坐公園等我

58018

有網民喺 LIHKG 討論區開 PO :

原本約咗女朋友食飯,佢嚟接我,但忽然要開OT,因為出咗問題好緊急同埋自己一直跟開冇得拒絕,同佢講完要開OT後,佢話約朋友行一陣啦,我就收工call佢先嚟接我收工再食嘢。

隔咗一個鐘,落樓下七仔買啲嘢飲,點知見到佢一個人坐咗係附近公園,我打畀佢問,佢話係某某地方同朋友行緊街,叫我唔洗理佢,專心做嘢先。

收線之後,離遠見到佢孤零零一個帶返個耳機聽歌玩電話。

我冇踢爆佢,唔想佢尷尬,唯有加快手腳做嘢快啲走,返上公司有個窗口位望到個公園,望住佢一個人咁等我個心好痛,諗起其實佢冇乜朋友,唔想我做嘢分心,所以先咁講,唉…

啱啱OT完,我落樓下打畀佢同佢講15分鐘後收工,佢問我飲唔飲珍珠奶茶,佢話企咗係間鋪門口,我知我公司附近係有,但要行多幾條街先到,我話唔洗,佢話15分鐘後到,我望到佢收線個下個笑容,令我更加心噏...

女朋友,我愛你 !!!

網民回應:

睇到眼濕濕,呢啲先係愛情


求婚啦,樓主。
單憑呢樣就值得你娶佢,比着D臭雞港女早就屌到你上天花板


仲以為係綠帽文


仲以為得我眼濕濕 我都覺得好感動
樓主要好好珍惜 唔好辜負個女仔呀
希望你早日事業有成 聚個女仔翻屋企


我女朋友都係咁
但比人話柒 身材唔好等等
我心諗關你地d人乜撚野事
你地中意食港女 我呢個要做老婆架


我都會等
如果我男朋友會好似你咁珍惜就好


曾經我都係咁,不過宜家,算啦……唔係個個好女仔都會遇到一個好男仔


其實好普通 連登仔無拍過拖
成日行一兩個鐘街等男朋友
買小小野俾佢飲/食亦好正常


亦有巴打覺得樓主係假膠,現實應該係咁:

男朋友: 對唔住啊 BB, 我今晚要OT, 晏D先收工

女朋友: 妖~ 又OT! 成間公司得你一個做到野架? 其他人死架 !?  唔想見就早D講, 唔洗我特登過黎!

男朋友: 對唔住啊!


亦有巴打表示點解自己女朋友唔係咁 ?

同你一樣既情景,不過女朋友不斷wtsap催我,最後搞下搞下遲左9個字。急急腳落到公司樓下,離遠望到女朋友已經黑面,之後食飯全程黑面。
女朋友脾氣越來越大


唉 一模一樣
遲少少都黑哂臉全程講說話
脾氣臭到火屎咁 真係食個飯都有壓力咁

Source: https://lihkg.com/thread/921331