【杜汶澤又有新女】昨日約咗程美段去九龍塘…

23837

曾經喺無綫節目《美女廚房》出現嘅靚女學徒程美段(Kiwi),昨日就喺網上PO咗同杜汶澤係九龍塘食飯嘅合照,仲話「摸過他的胸肌和手臂之後都不想洗手了」仲 hashtag 咗 #好大隻啊 #理想型老公 #又搞笑又識煮野食 #煮家男人 #好羨慕田小姐

雖然程美段無透露詳情,但有 Fans 問佢係咪會上杜汶澤嗰節目時,佢就回答: 「遲啲就知」睇嚟程美段應該會加盟杜汶澤間公司。

Model 出身嘅程美段擁有「天使臉孔,魔鬼身材」,有E Cup 好身材都唔會收收埋埋,平時都會喺社交平台PO下超性感相派下軍糧,俾一眾兵仔大飽眼福,但亦因為啲相太過性感、太過搏出位又成日請假,所以先會被 TVB 飛起,無得再上《美女廚房》!程美段咁鍾意露,去杜汶澤間公司做就啱晒,留喺 TVB 只會埋沒咗佢哋嘅天賦本錢 !

另外,一眾兵仔如果對程美段存有幻想,以下嘅內容可以令你死咗條心佢。

程美段一早名花有主,如果大家有留意程美段啲性感相,大部份都係佢嘅攝影師男友 CY Hon 幫佢影 ... 見唔見佢啲相有好大個 CY Hon Photography 水印? 動漫節、萬聖節程美段夠膽死著到咁性感出街,其實都係得到佢男朋友鼓勵同支持,佢先可以咁放、咁性感 !!!

程美段攝影師男友 CY Hon