直擊半島酒店董事21歲千金奢華生活 一個下午豪花3萬港元

21708

日本真人騷節目《今夜比一比》(今夜くらべてみました)經常以社會不同階層人士嘅生活為題材,早前嘅一集就追蹤咗香港半島酒店集團董事千金 Julia 平日嘅奢華生活!

現年21歲嘅 Julia (Colfer Hatori Julia),父親係英國人,媽媽係日本人,依家喺日本東京音樂大學讀書,夢想係成為歌手。佢話半島酒店係佢嘅食堂,家人都會去專屬嘅總統套房食飯,享受高級嘅美食。節目拍攝當日,Julia 請咗兩位朋友一齊食法式午餐,有龍蝦、燒牛肉及魚,呢一餐平均每個人要2,100港元。

食飽飯 Julia 話想去維多利亞港散步,但唔係行路散步,而係坐直升飛機喺維多利亞港上空「空中散步」。直升機飛咗大約30分鐘,咁就用咗 1.8萬港元。

散完步 Julia 到返去半島酒店,原來酒店每日有限定嘅 VIP 專享魚子醬品嚐體驗活動,佢試咗幾款魚子醫,又洗咗近7,000港元,扣除總統套房嘅價格,Julia 一個下午已經用咗超過3萬港元.

之後 Julia 再帶攝製隊參觀佢喺加多利山概5,000呎豪華別墅... 有5間房、3個廳、1個飯廳及2個廚房,就連bar枱都有2張。而後園也有3,500呎,平日佢哋一家喜歡喺花園開 Party。每星期都會與各大企業領導層聚會,麗思卡爾頓、萬豪酒店嘅集團董事丶高級珠寶商Graff嘅亞洲區主席等都係座上客,每次嘅聚會都由晚上7點玩到第二日清晨4點。

而豪華別墅內每樣物品都價值不菲,但 Julia 並不知道物件嘅價格,全因 Julia 媽媽話:「如果知道價格嘅話就會失去咗魔法。」

看完 Julia 嘅奢華生活,只能感嘆香港嘅貧富差距真係好嚴重... 2018年香港打工仔嘅入息中位數只係 $18,000,一個21歲嘅大學生一個下午已用咗好多香港人兩個月嘅人工!

想追 Julia ?

Julia 話佢嘅擇偶條件除咗要靚仔同溫柔外,年薪最少要揾 $700萬港元 !!!