【務農系KOL】19歲美少女直播深山務農生活爆紅

5791

貴州一名19歲美少女袁桂花直播深山務農生活,火速吸引了300萬粉絲成為網紅,主播嘅收入亦改善咗佢一家嘅生活。佢嘅事跡仲吸引咗湖南衛視嘅注意,上咗節目《快樂大本營》。

 

今年只有19歲嘅袁桂花係貴州黔東南苗族侗族自治州天柱縣人,係一個貧困嘅農村家庭長大。佢高考後因爲屋企太窮,所以放棄升學,由城市回鄉郊務農... 據悉,佢姐姐有小兒麻痹症,哥哥亦體弱多病,一家嘅經濟負擔已經好重,實在無法支付佢繼續升學。

 

袁桂花回鄕後,一時無聊開手機直播務農嘅日常生活。耕田、劈柴、殺魚直播內容大受網民歡迎,袁桂花嘅「女漢子」形象更令佢吸引到300萬粉絲關注,火速成為直播平台主播,因此意外得到一筆可觀嘅主播收入。

一個年輕少女留守農村耕田估唔到都可以殺出一條血路,喺大陸一個擁有300萬粉絲嘅直播主持,收入足夠養活全家。據湖南衛視《快樂大本營》節目講,袁桂花喺直播時會宣傳家鄉嘅土產,將村裡面嘅生果、筍乾、小魚乾、臘肉等賣畀粉絲,無形中推動村內經濟,幫埋其他村民改善生活。
想睇片 ? 下一頁有 5 條短片 ... 睇完你就會知佢原來真係好 man,可能女粉絲多過男粉 !!!
務農系KOL : 袁桂花深山務農生活短片